Türkistan Üchün Küreshler (PDF)

Tarim

Proféssor Doktor Ehet Enjan

Chet’elde Jeditchiliktin Musteqilliqqiche

Türkistan Üchün Küreshler

Terjime qilghuchi: A. Boran

(ULY we UEY Sheklidiki Toluq Nusxisi)

Ilawe:

Kitapning qisqiche mezmuni heqqide terjiman A.Boran ependining izahati yiterlik dep oylaymen.

Méning ilawe qilmaqchi bolghinim; Hayatini Sherqiy Türkistanning musteqilliq kürishige atighan, Azatliq wisalimizgha yétishning eng aqilane yolliri üstide tinmay izden´gen we qaymuqish ichide yashawatqan bichare millitige destur xaraktérlik eserlerni üzlüksiz teqdim qilip kéliwatqan A.Boran ependi toghrisidiki qisqiche tesiratimdur.

Muhajirette, Özini Uyghurning peylasopi chaghlighanlarning neshir qildurghan kitaplirining hemmisinila dégüdek körüp chiqtim. Mubarek namini millitimizning qelb törige neqish qilip oyush tamasida yézilghan minglarche maqalilarnimu nezirimdin ötküzdim. Yolchilarning azatliq üchün sizip chiqqan xeritilirinihem estayidil tehlil qilip kördüm. Emma debdebilik nam, heywetlik mawzular astida qelemge élinghan mutleq köp qisim eserlerning uyghur millitining qutulush ghayisi bilen hich alaqisi yoqliqini yaki azghan idiye, zeherlen´gen tepekkurning mehsulidinla ibaret bolghanliqini chüshinip yetken chaghlirimda ümidsizlenmey qalmidim. Heshemetlik bu eserlerning eshu jelip qilarliq témilirinila saqlap qélip, ichidiki mezmunlarni lehetke püwliwétish zörürlikinimu tonup yetken chaghlirim boldi.

2000 – yili bolsa kérek, A.Boran ependi teripidin yézilghan qoral xaraktérlik bir qisim eserlerni oqush pursitige érishtim. Aptor bilen qisqiche alaqe imkanimmu boldi. Uning yazmiliri Sherqiy Türkistanning azatliqigha nispeten men hayatimda uchratqan eng emeliy nep bérish roligha ige yazma bolghach, Muhajirette weten azatliqi yolida küresh qiliwatqanlarning bu desturdin paydilinishini ümid qildim. Epsuski, milliz dewani menpiet qorali qiliwalghan kishilerdin ümid kütkenlikimni sezdim. Aptorningmu mezkur yazmiliri seweplik bésimlargha duch kelgenlikini anglidim. Démokratik döletlerning saxawetliri bilen weten azatliqini qolgha keltürmekchi bolghan siyasiyunlarning bu eserlerni oqup chüshinishkimu jür´et qilalmighanliqidin xewer taptim…

Aptor xatalashtimu? Men xata chüshiniwatamdimen? Uyghurning meshhur siyasiyunliri oylighanni oylashqa méning eqlim yetmeywatamdu?  Yaki uyghur millitining qutulishi üchün kérek bolghan stratégiye, taktika, emeliy heriketler toghrisida manga qarangghu bolghan sirliq bir hadise barmidu?

Bu soallargha jawap tépishqa mejbur boldum. Buning jawabini 10 yillar izdidim. Muhejirettiki Azatliq yolida küresh qiliwatqanlarning sépige qoshuldum. Siyasiy dewaning üjür – büjirini bilishke térishtim. Manga natonush bolghan gherp dunyasini ögendim. Uyghur siyasiy dewasigha himat boliwatqan küchlerni estayidil tehlil qildim. Erkinlik, Démokratiyige sahip chiqqan küchlerning perde arqisidiki oyunlirini chüshinish imkanlirigha érishtim….

Xulase étibari bilen, A. Boran ependining  yazmilirining Uyghur Milliy musteqilliq kürishi üchün bir mayak ikenlikini jezimleshtürdüm. Chet´elde itibargha érishelmigen, meshhur siyasiyunlirimizda qorqunush peyda qilghan bu idiye, bu teshebbus, bu qoralni weten ichige her xil yollar bilen tarqitishqa térishtim…..

A.Boran zadi kim? U zat Uyghur millitige zadi némilerni teqdim qilghan idi?  Bu soallargha jawap béridighan zaman choqum kélidu!

Bu qimmetlik emgiki üchün A.Boran ependige minglarche rehmet , teshekkurler  bolsun!                         

                                    -  Tarim

Uyghurchilashturghuchidin:

Proféssor doktor Ehet Enjan ependining bu kitabi, bügün’ge kelgüche bolghan milliy musteqilliq yaki milliy erkinlik heriketlirimizge ortaq idiyiwiy menbe yaki heriket ülgisi bolup kéliwatqan nurghun chüshenche yaki hadisiler üstide intayin tepsiliy melumatlarni bermekte. Gerche aptor bu kitabida Sherqiy Türkistanning yéqinqi zaman tarixigha munasiwetlik bayanlar üstide toxtilishni Sherqiy Türkistanliq aptorlarning yazghan kitablirigha hawale qilip chetnep ötüp ketkendek qilsimu, bu eserni estayIdilliq bilen oqup chiqqinimizda, yenila nurghun köz qarash we heriket usullirimizning eslide Orta Asiyadiki qérindashlirimizning yéqinqi zaman milliy musteqilliq küresh tarixidiki, bolupmu bügünki künde chet’ellerde qanat yayduruluwatqan milliy musteqilliq heriketlirimizge alaqidar idiye yaki heriket usulliri bilen biwasite tomurdash ikenlikini ochuq körüp alalaymiz. Shundaq bolghachqa, wetinimizning milliy musteqilliq kürishi üchün bash qaturup kéliwatqan her bir wetenperwerimizge nisbeten alghanda, bu kitab kelgüsidiki pa’aliyetlirimiz üchün selbiy yaki ijabiy jehetlerde muhim paydilinish matériyalliridin biri bolalaydu dep qaraymen.


Yéqinqi bir dewirde Türkiye Jumhuriyitining eng muhim dölet ministirliridin birsi bolghan we hazirghiche Türkiyining dangliq uniwérsititliridin birside profissorluq qilip kéliwatqan doktor A. Ehet Enjan (Abdulla Axat Andican) ependining Türkiye Türkchiside yézilghan bu eng yéngi yirik esirini, aptorning özidin biwaste ruxset élip Uyghurchilashturup kitapxanlirimizgha sunmaqtimen.


Bu kitabning esli nusxisida nurghunlighan tarixiy resim, xerite, paydilinish matériyal benbeliri we esli arginal hüjjet nusxiliri bérilgen bolup, téxnikiliq sewepler tüpeylidin qisqartiwétishke yaki muhim mezmonlirini yéziq arqiliq ipadileshke mejbor boldum. Shuningdek yene, bu kitabta aptor hashiyide yaki qoshumche betlerde bergen nurghunlighan izahat, paydilinish matériyalliri we indikislar bar idi. Ularning bir qisminimu qisqartip qur arisida tirnaq ichide bérishke mejbor boldum. Uyghurchilashturush jeryanida körülgen kemchilik yaki xataliqlar bolsa tüzitip oqughaysizler.



                                  − A. Boran


Tepsilatini töwendiki ulinishtin körüng:

ULY nusxisi

http://www.wetinim.org/PDF-0023/A.Boran.pdf

UEY Nusxisi

http://www.wetinim.org/PDF-0023/turkistan-uchun-kureshler.pdf


.

Tarim

Bu élkitapning UEY nusxisimu pat arida hozurunglargha sunilidu.

Sebixe

A.Boran ependidin Allah razi bolsun!

tarimyolwisi

Hörmetlik Tarim qérindishim. biz bilen bu qimmetlik eserni yüz körüshtürginingiz üchün köp rehmet.
teklipim: 1. A.Boranning barliq yazmilirini biz bilen yüz körüshtürüsh imkanini yaratsingiz. hazirgha qeder yazghan, terjime qilghan eserlirining hemmisini bir chisla tertipi boyiche toplam qilip, süpetlik tehrirlep, PDF sheklide bu munberde ilan qilsaq.
2. xelq üchün bir kishilik meyli toghra, meyli xata bolsun oylighan kishilerning hemmisini bir xil telep boyiche qarighili bolmas.
chünki ular  eng kemide millet üchün héchqandaq bashqaturmighan ademdin ewzelraq. mubada ularning qarishida melum bir yitishsizlikni bayqighan bolsaq, belkim bu yitishsizlik bizning oylash sewiyimizni östürüshke paydiliq bolghan bolidu. buningliq bilen birni tiklep, onni yoqitish terzidiki söz-jümlilerni ishletsek sel muwapiq bolmay qalidu.

toghra pikir haman bir küni özining toghriliqi bilen kishilerning ixtiyarsiz tallishigha muyesser bolidu.

bashqilar toghra pikir bergüchige qopal sözler bilen zerbe bergen bolsa, toghra sözligüchi hergizmu qopal sözler bilen emes, belki ilmi, keng qorsaq jümliler bilen inkas qayturishi lazim.

tarimyolwisi

mushu xildiki biz üchün muhim ehmiyetke ige eserlerning xalighan tildiki esli til nusqisinimu skanirlep  munberge yolliwetken bolsaq. terjime sifir ambiri(sandan) qurushqa köp paydisi bolar idi.  terjime sandani bolghanda, kéyinki eserlerni terjime qilghanda sür'et köp tizlishidu.

Dostum

Jewrim

Estayidil oqup chiqishqa erziydighan eserken!

Uyghur.Tekin

Mezkur eserning UEY nusxisi hozurunglargha sunuldi.

Tarim

Emdi toluq boldi!