Jorisi , perzentliri chet el(chégra sirti)ge köchüp ketken dölet xizmetchilirini

Jewrim

Jorisi , perzentliri chet el(chégra sirti)ge köchüp ketken dölet xizmetchilirini bashqurush kücheytilidu

2010-07-27  08:51 shinjang géziti

    Shinxua agéntliqi, béyjing, 25 – iyul télégrammisi. J k p merkiziy komitét ben’gungtingi, gowuyüen ben’gungtingi yéqinda ‹‹jorisi, perzentliri chet el(chégra sirti)ge köchüp ketken dölet xizmetchilirini bashqurushni kücheytish toghrisidiki waqitliq belgilime››ni tarqatti hem uqturush chiqirip, jaylar, tarmaqlardin estayidil izchillashturushni telep qildi.

    ‹‹waqitliq belgilime››de tetbiqlash da’irisi, tetbiqlinidighan xadimlarning jorisi, perzentlirining chet elge köchüp kétish ehwalini doklat qilish, wezipe ish ornini qéliplashturush, jama’et ishlirini béjirishte özini chetke élish, shexsiy ish bilen chet elge chiqish pasporti we shyanggang, awmén, teywen rayonlirigha bérip – kélish guwahnamisi béjirish, shexsiy ish bilen chet elge chiqish yaki köchüshni iltimas qilish, shundaqla chégridin kirish – chiqish guwahnamisi we pasport béjirish ishlirini bashqurush, belgilimige xilap qilmishlarni bir terep qilish qatarliq mesililer éniq belgilen’gen.

    ‹‹waqitliq belgilime›› jorisi, perzentliri chet el(chégra sirti)ge köchüp ketken dölet xizmetchilirige tetbiqlinidu, teshkilning testiqlishi bilen teklip qilin’ghan chet elning yuqiri qatlam ixtisasliqliri, dölet alahide éhtiyajliq aliy téxinklar we bashqa yollar arqiliq weten’ge qaytqan chet elning yuqiri qatlam ixtisasliqlirigha tetbiqlanmaydu. Belgilime tetbiqlinidighan xadimlar kadirlarni bashqurush hoquq da’irisi boyiche teshkilat(kadirlar ishliri) tarmaqlirigha jorisi, perzentlirining chet el(chégra sirti)ge köchüp kétish ehwalini yazma doklat qilishi, alaqidar ehwalda özgirish bolghandimu doklat qilishi kérek. Belgilime tetbiqlinidighan xadimlar béjiridighan jama’et ishliri jorisi, perzentliri köchüp ketken dölet yaki rayon’gha chétishliq bolsa, asasliq bashqurghuchi tarmaqqa ehwalni teshebbuskarliq bilen chüshendürüshi, menpe’et toqunushi körülgende özini chetke élishi kérek yaki asasliq bashqurghuchi tarmaq chetnep turushqa buyruydu.

    ‹‹waqitliq belgilime›› tetbiqlinidighan xadimlarning shexsiy ish bilen chet elge chiqish pasporti we shyanggang, awmén, teywen rayonlirigha bérip – kélish guwahnamisi béjirishi, shexsiy ish bilen chet el(chégra sirti)ge chiqish yaki köchüp kétishni iltimas qilish, shundaqla chégridin kirish – chiqish guwahnamisi we pasport béjirish qatarliq ishlarda döletning alaqidar qanun – belgilimisi qattiq ijra qilinidu; Hakim, bashqarma bashliqi derijilik mu’awin wezipidin yuqiri rehbiriy kadirlar yuqirida tilgha élin’ghan ishlarni béjirgende yaki iltimas qilghanda, alaqidar tarmaqlar kadirlarni bashqurush hoquq da’irisi ichide alaqidar orunning pikrini alghandin kéyin bir terep qilidu. Belgilime tetbiqlinidighan xadimlarni tallap wezipige qoyushtin awwalqi tekshürüshte belgilimige chétishliq alaqidar ehwallarni omumyüzlük igilesh kérek.

    ‹‹waqitliq belgilime››de: belgilime tetbiqlinidighan xadimlar belgilimige xilapliq qilghanda, ehwalning éghir – yéniklikige qarap tenqidiy terbiye bérish, teshkiliy jehettin bir terep qilish, intizam jawabkarliqi we qanun jawabkarliqini sürüshtürüsh qatarliq usullar arqiliq bir terep qilinidu, dep éniq belgilen’gen.
    ‹‹waqitliq belgilime››de alaqidar bashqurghuchi tarmaqlargha belgilimening rohi boyiche yolgha qoyush charisini tüzüsh yaki konkrét belgilime chiqirish hoquqi bérilgen.

    Uqturushta munular telep qilindi: jaylar, tarmaqlar ‹‹waqitliq belgilime››ni tüzüsh, yolgha qoyushning muhim ehmiyitini toluq tonup, ‹‹waqitliq belgilime››ni öginish, teshwiq qilish, izchillashturushni ilmiy tereqqiyat qarishini izchillashturush we emeliyleshtürüsh, chiriklikke qarshi turup pakliqni teshebbus qilish qurulushini kücheytishtiki muhim wezipe süpitide küntertipke kirgüzüp, estayidil teshkillep yolgha qoyushi kérek. Alaqidar tarmaqlar ‹‹waqitliq belgilime››de bérilgen hoquq boyiche belgilimining telipini téximu tepsiliyleshtürüp, alaqidar belgilimining konkrét mezmuni, meshghulat tertipini yenimu aydinglashturup, tüzümning meshghulatchanliqini kücheytishi kérek.

Menbe: Tengritagh tori

sabahet

Yawuz xitayning qolidin her bala kélidu .